Täzelikler

«Vivienne Westwood-dan» milli brendlere: Dünýä modasynyň täze duralgasy – Aşgabat

04.06.2026

«Turkmen Textile Expo» 2026 halkara sergi ýarmarkasynyň çäklerinde guralýan halkara moda görkezilişi çäräniň iň täsirli pursatlarynyň birine öwrülýär.

Dünýä belli "Vivienne Westwood" modalar öýüniň Baş direktory (CEO) Karlo D'Amario hem bu sergä gatnaşýar. Ol ajaýyp sahnada gowşurylan gül desselerine we şowhunly el çarpyşmalara minnetdarlyk bildirip, türkmen zenanlarynyň el işleriniň, milli lybaslarynyň haýran galdyryjy gözelligine bolan guwanjyny beýan etdi.

Mahlasy bu gün dünýä dizaýnerleri bir sahnada: Fransiýanyň romantikasy, Marokkonyň we Omanyň özüne çekijiligi, goňşy döwletleriň we Russiýanyň milli öwüşginleri Aşgabadyň podyumynda birleşýär.

Türkmenistanyň dizaýn mümkinçiliklerini bolsa ýurdumyzyň milli brendleri dabaralandyrýar.

«Turkmentextile Expo — 2026» halkara sergisi diňe bir dokma önümleriniň däl, eýsem, döredijiligiň we modanyň baýramy hökmünde dabaralanýar.

Türkmenistanyň Söwda-senagat edarasynyň

Metbugat gullugy.

Bulary hem okaň