TSSE Täzelikler

        2026-njy ýylyň 22-nji ýanwarynda Türkmenistanyň Söwda-senagat edarasynda Çad Respublikasynyň Türkmenistana bellenen Ilçisi jenap Mahamud Adam Beşiri bilen Türkmenistanyň Söwda-senagat edarasynyň ýolbaşçysynyň arasynda duşuşyk geçirildi.

         Duşuşygyň dowamynda taraplar birek-birek bilen tanyşyp, iki ýurduň arasynda söwda-ykdysady hyzmatdaşlygyň häzirki ýagdaýy we geljekki mümkinçilikleri barada umumy pikir alyşdylar. Şeýle hem Türkmenistanyň Söwda-senagat edarasynyň alyp barýan işleri, onuň esasy ugurlary hem-de daşary ýurtly hyzmatdaşlar bilen hyzmatdaşlygyň ösdürilmegine gönükdirilen mümkinçilikler barada maglumat berildi.

         Türkmenistanyň Söwda-senagat edarasynyň ýolbaşçysy Türkmenistanyň dostlukly döwletler bilen özara bähbitli hyzmatdaşlygy ösdürmäge uly ähmiýet berýändigini belläp, Çad Respublikasy bilen hyzmatdaşlygyň geljekde ösdürilmegine taýýardygyny aýtdy.

         Jenap Mahamud Adam Beşiri bildirilen myhmansöýerlik üçin minnetdarlyk bildirip, Türkmenistanda diplomatik wezipesini ýerine ýetirmegiň özi üçin uly hormatdygyny nygtady hem-de geljekde ikitaraplaýyn hyzmatdaşlygyň ösdürilmegine gyzyklanma bildirdi.

         Duşuşyk dostlukly we işewürlik ruhunda geçdi.

Türkmenistanyň Söwda-senagat edarasynyň

Metbugat gullugy