TSSE Täzelikler

 2026-njy ýylyň 17-nji martynda Türkmenistanyň Söwda-senagat edarasy toý şowhunyna beslendi. Garaşsyz, baky Bitarap Türkmenistanda 18 ýyl bäri hereket edip gelýän Türkmenistanyň Senagatçylar we telekeçiler birleşmesi bu toýuň eýesi bolup, bu ýerde gurnalan sergi türkmen telekeçileriniň ýeten belent sepgitleriniň aýdyň beýanyna öwrüldi.

    Dabaraly çäre Hormatly Prezidentimiziň Türkmenistanyň Senagatçylar we telekeçiler birleşmesiniň döredilmeginiň 18 ýyllygy mynasybetli gurnalan  sergä hem-de «Türkmenistanyň geljegine maýa goýumlar» atly halkara foruma gatnaşyjylara Gutlag haty bilen açyldy. Gutlagda bellenilşi ýaly, “Garaşsyz, baky Bitarap Türkmenistan — bedew batly at-myradyň mekany” ýylynda hususyýetçilerimiz agzybirlikde döwletlilik ýolumyzdan ynamly öňe barýarlar. Işewürlik gurşawyny döwrebaplaşdyrmak, kiçi, orta we iri telekeçiligiň gerimini giňeltmek boýunça amala aşyrylýan işleriň esasynda ykdysadyýetde hususy bölegiň paýy yzygiderli ýokarlanýar.

    Bu çärede Türkmenistanyň Söwda-senagat edarasynyň sergi zaly  halkymyzyň bol-elin ak bazarlary ýaly  gözüňi hem göwnuňi dokundyrýar. Bu biziň ýurdumyzyň azyk we haryt bolçulygynyň nyşany bolup, döwlet tarapyndan telekeçilere berilýän uly  mümkinçilikleriň netijesidir.

    Türkmenistanyň Söwda-senagat edarasynyň

                                                                                                      Metbugat gullugy.