TSSE Täzelikler

2025-nji ýylyň 23-nji oktýabrynda Türkmenistanyň nebitgaz pudagyna bagyşlanan halkara maslahat we sergi üstünlikli dowam etdirilýär.  

      Halkara maslahat mowzuklaýyn mejlisler boýunça alnyp barylyp, ýüzlerçe adamy, şol sanda daşary ýurtlaryň ençeme wekillerini bir ýere jemledi. Olar ýangyç-energetika toplumynda halkara, sebit we milli derejede senagatyň geljekki strategiýasyny kemala getirmäge bagyşlanan görkezme çykyşlar, dünýäniň nebit bazaryndaky işleriň ýagdaýy, bu ulgamda marketing strategiýalary baradaky seljeriş-syn maglumatlary bilen tanyşdyrylýar.

      Türkmenistanyň Söwda-senagat edarasynda ýaýbaňlandyrylan sergide  önümleri hem-de uglewodorod çig malyny gözläp tapmak, çykarmak, ibermek we saklamak ulgamyny üpjün etmek, çuň burawlamak, ozalky hereket edýän turba geçirijileri döwrebaplaşdyrmak, olaryň täzelerini gurmak, nebiti we gazy gaýtadan işlemek boýunça kuwwatlyklary artdyrmak, guýularyň önüm berijiligini köpeltmek babatda hyzmatlaryň giň gerimi görkezilýär.

                                                          Türkmenistanyň Söwda-senagat edarasynyň

                                                                                       Metbugat gullugy bölümi