TSSE Täzelikler

         2026-njy ýylyň 16-njy aprelinde Aşgabat şäherinde geçirilýän “Türkmenistan – Hytaý Halk Respublikasy: gaz ulgamynda strategiki hyzmatdaşlygyň 20 ýyllygy” atly ylmy-amaly maslahatynyň we sergisiniň çäklerinde Türkmenistanyň Söwda-senagat edarasynyň başlygy Hytaý Halk Respublikasynyň halkara söwdasyny öňe ilerletmek boýunça komitetiniň başlygy Žen Hunbiniň ýolbaşçylygyndaky wekiliýet bilen duşuşyk geçirdi.

         Duşuşykda taraplar iki ýurduň arasynda söwda-ykdysady hyzmatdaşlygyň häzirki ýagdaýy we ösüş mümkinçilikleri barada pikir alyşdylar. Şeýle hem halkara sergilere işjeň gatnaşmagyň, täze hyzmatdaşlary çekmegiň we işewür gatnaşyklary ösdürmegiň ähmiýeti nygtaldy.

         Mundan başga-da, özara söwda dolanyşygyny artdyrmak, maýa goýum hyzmatdaşlygyny giňeltmek hem-de telekeçiligi goldamak meseleleri ara alnyp maslahatlaşyldy.

         Duşuşygyň ahyrynda taraplar hyzmatdaşlygy mundan beýläk-de ösdürmäge taýýardyklaryny beýan etdiler.

Türkmenistanyň Söwda-senagat edarasynyň

Metbugat gullugy.