TSSE Täzelikler

          Türkmenistan şu ýyl döwletimiziň halkara giňişliginde gazanan iň uly üstünlikleriniň biri bolan Hemişelik Bitaraplyk derejesiniň 30 ýyllygyny giňden hem-de mynasyp derejede belläp geçmek üçin giň gerimli taýýarlyk görýär. 1995-nji ýylyň 12-nji dekabrynda Birleşen Milletler Guramasy tarapyndan ykrar edilen Türkmenistanyň hemişelik Bitaraplyk derejesi ýurdumyzda parahatçylyk, ynanyşmak we durnukly ösüş ýolunda täze mümkinçilikleriň açylmagynda giňden ýol berdi.

         Durnukly ösüşiň bähbitlerini goramak, halkara gatnaşyklaryny pugtalandyrmak, hyzmatdaşlygy giňeltmek hem-de ýurdumyzyň parahatçylyk söýüjilik syýasatyny dünýä derejesinde wagyz etmek bu baýramçylyk mynasybetli geçirilýän çäreleriň baş maksadydyr. Şu möhüm sene mynasybetli geçiriljek çäreler halkara gatnaşyklary pugtalandyrmak, hyzmatdaşlygy giňeltmek we ýurdumyzyň parahatçylyk söýüjilik syýasatyny dünýä derejesinde wagyz etmek maksadyna hyzmat edýär.

         Döwlet ähmiýetli bu şanly sene bilen baglylykda, Türkmenistanyň Söwda-senagat edarasynyň binasynda ýurdumyzyň ähli ministrlikleriniň we pudaklaýyn dolandyryş edaralarynyň, häkimlikleriniň, jemgyýetçilik guramalarynyň, şeýle hem Türkmenistanyň Senagatçylar we Telekeçiler Birleşmesiniň agzalarynyň gatnaşmagynda geçiriljek halkara sergisiniň giň gerimli taýýarlyk işleri işjeň dowam edýär.

         Bu serginiň giň gerimde geçirilmegi diňe bir ýurdumyzyň ykdysadyýetiniň dürli ugurlarynda gazanan üstünliklerini görkezmek bilen çäklenmän, eýsem, Türkmenistanyň 30 ýyllyk Hemişelik Bitaraplyk syýasatynyň dünýäde giňden ykrar edilýändigini hem görkezýär. Sergi meýdançasynda dürli pudaklaryň täze önümleri, häzirki zaman tehnologiýalary, innowasion taslamalar, önümçilikleriň mümkinçilikleri hem-de hyzmat ugurlary giňden görkeziler.

         Şeýlelikde, Türkmenistanyň Söwda-senagat edarasynda geçiriljek halkara sergisi ýurdumyzyň Hemişelik Bitaraplygynyň 30 ýyllyk şanly senesiniň baý many-mazmun bilen bellenilmegine, halkara hyzmatdaşlygynyň täze derejesine çykarylmagyna we ýurdumyzyň ösüşiniň dünýä jemgyýetçiligine giňden görkezilmegine möhüm goşant goşar.

Türkmenistanyň Söwda-senagat edarasynyň

Metbugat gullugy.