TSSE Täzelikler

       Türkmenistanyň Söwda-senagat edarasynda geçirilen  «Türkmentel — 2025» atly XVIII halkara sergi we ylmy maslahat, şeýle-de «Halkara ulag-üstaşyr geçelgeleri: özara arabaglanyşyk we ösüş — 2025» atly halkara maslahat we sergi öz işini tamamlady.

      Foruma   Türkmenistandan we daşary döwletlerden, şol sanda Amerikanyň Birleşen Ştatlaryndan, Azerbaýjandan, Birleşen Arap Emirliklerinden, Beýik Britaniýadan, Belarusdan, Gazagystandan, Germaniýadan, Finlýandiýadan, Fransiýadan, Russiýadan, Hytaýdan, Şweýsariýadan, Ýaponiýadan jemi 80-den gowrak ugurdaş kompaniýanyň wekilleri gatnaşdylar.

      Bu halkara çäre sanly ykdysadyýeti gowulandyrmak, iş ýüzünde sanly çözgütleriň giňden ulanylmagy bilen ykdysady pudaklarda ösüş gazanmak, şeýle hem halkara tejribesine esaslanýan özara peýdaly gatnaşyklary ösdürmek we giňeltmek üçin oňyn şertler döretdi.

      Serginiň hem forumyň işi B2B duşuşyklary bilen utgaşdy.

      Halkara serginiň we ylmy maslahatyň geçirilmegi  ýurdumyzda telekommunikasiýalar we ulag pudagynyň täzelikleri hem-de ugurlary bilen tanyşmaga uly mümkinçilik döretdi.

                                                                                                                Türkmenistanyň Söwda-senagat edarasynyň

Metbugat gullugy