TSSE Täzelikler

      2026-njy ýylyň 3 – 5-nji noýabrynda Aşgabat şäherinde Türkmenistanyň Söwda-senagat edarasynda geçiriljek “Türkmenistanyň gurluşyk, senagat, himiýa, energetika pudaklarynyň ösüşi” atly Halkara sergi we ylmy maslahaty – CIET 2026  ýurdumyzyň ykdysady kuwwatyny halkara derejesinde giňden tanyşdyrmak, öňdebaryjy tehnologiýalary we maýa goýumlaryny çekmek babatda möhüm ähmiýete eýedir.

         Halkara çäräniň esasy aýratynlygy ykdysadyýetiň strategik ugurlaryny özara baglanyşykda ösdürmek, täze önümçilik mümkinçiliklerini açmak we halkara işewür hyzmatdaşlygy pugtalandyrmak bilen şertlendirilýär. Gurluşyk, senagat, himiýa, energetika we infrastruktura ulgamlaryndaky mümkinçilikleriň giňden görkezilmegi ýurdumyzyň ykdysady ösüşiniň ileri tutulýan ugurlaryny dünýä jemgyýetçiligine ýetirmäge ýardam eder.

Çäräniň çäklerinde göz öňünde tutulýan halkara maslahatlar, sergi tanyşdyrylyşlary we işewürlik duşuşyklary täze taslamalary ara alyp maslahatlaşmaga, öňdebaryjy tejribeleri öwrenmäge hem-de özara bähbitli hyzmatdaşlygyň täze ugurlaryny kesgitlemäge mümkinçilik döreder. Hususan-da, B2B we B2G görnüşindäki işewür gatnaşyklary ösdürmek, maýa goýum mümkinçiliklerini öwrenmek we tehnologik hyzmatdaşlygy giňeltmek möhüm ähmiýete eýe bolar.

         Häzirki wagtda senagat önümçiligini döwrebaplaşdyrmak, innowasion çözgütleri ornaşdyrmak we milli ykdysadyýetiň bäsdeşlige ukyplylygyny ýokarlandyrmak durnukly ösüşiň möhüm şertleridir. Şu nukdaýnazardan, Aşgabatda geçiriljek halkara sergi we maslahat milli mümkinçilikleri dünýäniň öňdebaryjy tejribesi bilen utgaşdyrýan, täze başlangyçlara ýol açýan netijeli işewürlik meýdançasy hökmünde çykyş eder.

         CIET 2026 halkara serginiň myhmany bolmaga çagyrýarys!

Türkmenistanyň Söwda-senagat edarasynyň

Metbugat gullugy.