19.12.2016. Geçen hepdede Türkmenistanyň Döwlet haryt-çig mal biržasynyň söwdalarynda geleşikleriň 20-si hasaba alyndy.

Daşary ýurt walýutasyna Owganystandan gelen telekeçiler Türkmenbaşydaky nebiti gaýtadan işleýän zawodlar toplumynda öndürilen awtobenzini we dizel ýangyjyny satyn aldylar. Bulardan başga-da, daşary ýurt walýutasyna azyklyk bugdaý, dürli görnüşli tekiz reňklenen we tüýjümek önümler, nah ýüplük, pagta-süýümi ýerlenildi. Satyn alan ýurtlar: Russiýa, Türkiýe, Owganystan, Gyrgyzystan we Gruziýa. Geleşikleriň umumy bahasy ABŞ-nyň 9 million 808 müň dollaryndan gowrak boldy.

Manat serişdelerine Beýik Britaniýanyň işewür toparlarynyň wekilleri jemi bahasy 996 müň manatlykdan gowrak bolan garaköli goýnuň ýüňüni satyn aldylar.

Içerki bazar üçin ýurdumyzyň telekeçileri jemi bahasy 126 müň manatlykdan gowrak bolan ýük ulagyny we azyklyk bugdaý satyn aldylar.

«tdh.gov.tm»

Скачать шаблоны Joomla бесплатно!